Poem of the day

தனிமையின் முதுமை

நெஞ்சில் பாசத்தை வைத்து 
நெருப்பை தான்  அள்ளி வைத்தது போல
பிள்ளைக்காக அன்பை பாய்ச்சி  
தன் இளைமையையும் இழந்து விட்டு

ஏனையவை கலையடி அகிலன் 16, September 2017 More

ஏனையவை

வேண்டவே வேண்டாம்....

10, June 2017
Views 789

ஒரு பக்கம் சொக்க வைக்கின்றது
சொர்க்க அழகு - மறுபக்கம்
மரண அலறல்கள்
கோரத்தின் குருதித் தெளிப்புகள்...
இப்பக்கம் இருள் அப்பக்கம் ஒளி
எப்பக்கம் என்னுடையது...

நன்று நல்லதோர் மாயவலையிது...
சொர்க்கம் வேண்டாம் - அங்கே
சிற்றின்பங்களும் மாயக் கனவும்..
சில்லாபித்திருக்குமே!
நரகமும் வேண்டாம் - அங்கே
நல்லவர்கள் இல்லையாம்..

மேற்கதி வேண்டாம் - அங்கே
முற்றும் துறந்தவர்கள் இருந்தால்
என் செய்வேன் நான்??
மரண அறைகளும் வேண்டாம்
எனைச் சூழ்ந்திருந்த துரோகிகள்
அந்த நல்லவர்கள் இருந்தால்?
வேண்டவே வேண்டாம் விட்டுவிடுங்கள்..

பிண்டங்கள் அலறுகின்றன - அடிக்குரலில்
பிணங்களும் கதறுகின்றன.. - மறுபக்கம்
மெல்லிசை மட்டும் வெளி வருகின்றது
மென்மையாக அழைக்கின்றது..
குழப்பத்தில் நான் எப்பக்கம் போவது??

மரணக்கடவுளா? தேவலோக வேந்தனா?
கொஞ்சம் உதவிடுங்களேன்...
நான் வாழ்ந்த சமூகம் எங்கே?
சொர்க்கத்தில் இருக்குமா?
அல்லது நரகத்திலா? - அவர்கள்
பொய்களால் வாழ்ந்து வென்றவர்கள்
உம்மையும் தாண்டி குடியேறி இருக்கலாம்...
சொர்க்கத்தில்......

நல்லவர்களுக்கு நரகத்தில் இடமில்லை
அது சரி அவர்கள் நல்லவர்களா? கெட்டவர்களா?
சொல்லிப் போங்கள் கொஞ்சம்...

அதுவரை சொர்க்கமும் வேண்டாம்
நரகமும் வேண்டாம்... நானாகவே
இருக்கின்றேன் நான் தனியாக....